- Listin yvir tøk grundstykkir verður dagførdur hósdagin hin 1. oktober klokkan 12. Í løtuni eru 18 kommunal grundstykkir tøk, men 1. oktober leggjast fýra grundstykkir aftrat sølulistanum.

Soleiðis verður sagt á heimasíðuni hjá Klaksvíkar kommunu í dag, og vit kunnu leggja aftrat, at bæði Svínoy og øll Kalsoyggin eru partur av Klaksvíkar kommunu.

Vist verður á, at á býráðsfundi hin 24. september samtykti býráðið at lýsa eitt grundstykki á Húsum og trý í Svínoy til sølu.

Hesi grundstykkir eru at síggja á sølulistanum og gerast tøk á middegi hin 1. oktober.

- Áhugaður keypari kann velja eitt grundstykki, sum er tøkt og senda umsókn um at keypa tað.

Lagt verður aftrat, at hetta skal gerast umvegis frymil/oyðublað inni á tí einstaka grundstykkinum á søluskipanini á heimasíðuni ella við at seta seg í samband við kommununa.

Á heimasíðuni verður annars víst á, at hesi grundstykkir eru tøk í Klaksvíkar kommunu:

Tøk grundstykkir:

Klaksvík

Níggju millum Hjalla

Átta á Fossum

Eitt undir Klakki

Húsar

Eitt Heimigarður

Svínoy

Tvey Um Eiðið

Eitt Bøvegur

- Borgarar, sum ynskja at keypa kommunalt grundstykki, eiga at kunna seg um galdandi reglugerð á heimasíðuni hjá kommununi, siga tey á heimasíðuni hjá Klaksvíkar kommunu í dag.

Meira um hetta kann lesast á www.klaksvik.fo