Amerikanski forsetin, Donald Trump, lovar eina millión dollarar til tann, sum veitir upplýsingar, ið føra til handtøku og dóm fyri valsvik.

Tað skrivar hann á sínum egna sosiala miðli, Truth Social, í dag.

– Ein og hvør, sum boðar frá valsviki á undanfarnum valum ella á komandi miðskeiðsvalinum í 2026, fær eina millión dollarar, tá tey, sum stóðu aftan fyri svikið, verða handtikin og dømd, skrivar Trump.

Útmeldingin kemur umleið eina viku undan miðskeiðsvalinum í USA 3. november.

Sama dag leggur Trump eisini eftir nýliga hildna forsetavalinum í Brasil. Sambært tíðindastovuni AFP sigur hann, at valið var manipulerað og korrupt.

Sitandi forsetin, Luiz Inácio Lula da Silva, vann valið á høgravalevninum Flávio Bolsonaro.

– Eg tók ikki støðu fyri nøkrum parti, men satt at siga sá tað út sum enn eitt manipulerað val. Tað sá so korrupt út, so ræðuligt, sigur Trump.

Í útmeldingini verður ikki lagt fram próvgrundarlag fyri pástandinum um brasilska valið.

/Ritzau/