Álvarsligur turkur rakar Puerto Riko. Sambært amerikonsku turkeftirlitsskipanini NIDIS vóru 37 prosent av oynni rakt av sera álvarsligum turki 15. september.

Útsynnigsparturin av Puerto Riko er millum harðast raktu økini. Har liggur Lajas-dalurin, sum er eitt av týdningarmestu landbúnaðarøkjunum á oynni.

Nýggjar fylgisveinamyndir frá evropeisku Copernicus-skipanini vísa broytingina í dalinum. Á myndini frá 3. september 2025 eru bøirnir og lendið kring dalin grøn. Á myndini frá 20. september í ár er sama øki í stóran mun brúnt.

Myndirnar eru tiknar við Sentinel-2-fylgisveininum. Sambært Copernicus kunnu slíkar myndir brúkast til at fylgja við gróðri og landbúnaðarjørð og geva myndugleikum vitan, sum er gagnlig, tá vatntilfeingi skal umsítast og turkur handfarast.

Kelda: Copernicus – Drought affects south-western Puerto Rico. Mynd: European Union, Copernicus Sentinel-2 imagery.