Týska løgreglan hevur handtikið tveir póllendingar, sum eru undir illgruna fyr at hava stolið fleiri enn 200 neyt í Týsklandi.

Løgreglan heldur, at menninir, sum eru ávikavist 41 og 46 ára gamlir, í fleiri umførum hava stolið neyt í Brandenburg-økinum.

Hetta er í landnyrðingspartinum av Týsklandi.

Týska løgreglan heldur, at menninir hava stolið tey stívliga 200 neytini millum mars og mai í ár.

- Neytini vórðu flutt heim til Póllands í lastbilum, sum eru riggaðir til flutning av livandi kríatúrum.

Norska kringvarpið - NRK - sum skrivar um málið, veit at siga, at báðir póllendingarnir nú sita varðhaldsfongslaðir í Týsklandi.