Løgreglan hevur í nátt tikið nummarpláturnar av 11 akførum. Tíggju teirra vóru í Havn, meðan eitt var norðanfyri.

Í hesum sambandi minnir løgreglan á, at tíðin er komin, tá vegskattur og trygging skulu vera goldin.

Løgreglan arbeiðir eisini framvegis við málinum um innbortið í Á-handilin við Landavegin, sum vit skrivaðu um í gjár. Tjóvar hava brotið seg inn gjøngum eitt vindeyga og tikið eina stóra peningaupphædd úr einum pengaskápið, sum varð brotið upp. Fleiri fólk hava vent sær til løgregluna við upplýsingum, og løgreglan takkar fyri fráboðanirnar, sum hon fekk, at at miðlarnir bóru tíðindini í gjár.

Nakrir bileigarar fáa slíka heilsan frá løgregluni

Ymiskt er kannað, men málið er ikki uppklárað enn, sigur vaktleiðarin á politistøðini. Vónin er at fáa upplýsingar, sum kunnu hjálpa løgregluni at loysa málið.

Annars var stóra venjingin Lundin 2026 á flogvøllinum ein partur av arbeiðinum hjá løgregluni í gjár. Tað var serliga flogvøllurin, sum skipaði fyri venjingini, meðan løgreglan hevði ein samskipandi leiklut.