Tigray-uppreistrarbólkurin í norðrara parti Etiopia hevur tikið eftirlitið við flogvøllinum býnum, Mekele, sum verður roknaður sum høvuðsstaður í regiónini.
Ethiopian Airlines hevur steðgað allari flúgving til og úr Tigray-regiónini, og stúrt verður nú fyri einum nýggjum stórkríggi í Etiopia.
Tíðindastovan NTB veit at siga, at uppreistrarbólkurin við styttingini TPLF stríddist eitt oyðileggjandi kríggj ímóti stjórnarherinum í landinum árini 2020-2022.
Sagt verður, at umleið 600.000 fólk lótu lív í bardøgunum.
Í dag hevur eisini verið sagt frá bardøgum millum stjórnardeildir í Etiopia og TPLF í grannaregiónini hjá Tigrays, sum kallast Afar.
NTB skrivar, at TPLF og seks aðrir vápnaðir bólkar mánadagin kunngjørdu, at roynt verður at fella sitandi forsætisráðharra landsins, Abiy Ahmed og stjórn hansara.
