- Kom og dansa fólkadans sunnudagin hin 15. november frá klokkan 15-16 í auluni í Vágs skúla. Tú upplivir gleðina við føroyskum fólkadansi – saman við børnunum, ommu og abba ella øðrum í familjuni!

Soleiðis verður sagt í Vágs kommunu í dag.

- Føroyskur fólkadansur er ein hugnaligur og stuttligur máti at vera saman tvørtur um ættarlið. Her er pláss fyri bæði smáum og stórum, royndum dansarum og teimum, sum royna seg fyri fyrstu ferð.

Lagt verður aftrat, at tað er Sharon Weiss, sum stendur fyri dansiundirvísing, og her verður livandi tónleikur við Kristiani Blak og øðrum tónleikarum.

- Hetta verður eitt ”opið orkestur”, har aðrir tónleikarar á ymiskum støði, sum hava hug at royna seg, sleppa at taka lut eftir førimuni. Nótahefti fæst á staðnum ella við at skriva til [email protected]

Tað er Fólkatónleikarafelagið, ið skipar fyri tiltakinum í Vági sunnudagin hin 15. november, og tiltakið er ókeypis, verður sagt úr Vági.