HM-vertslandið, Katar hevur nógvan pening, og teir hava havt nógva tíð at fyrireika landsliðið hjá sær til HM-endaspælið.
Hetta sást tó ikki nógv til í setanardystinum móti Ekvador, sum við Enner Valencia á odda setti Katar upp á pláss longu í fyrra hálvleiki.
Eitt mál, ið Enner Valencia skoraði í triðja minutti bleiv kolldømt fyri nakað, ið fleiri meta vera eina ógvuliga tunna rangstøðu.
Enner Valencia fall tó ikki í fátt. Tá 16 minuttir vóru farnir setti hann eitt brotsspark trygt í netið, og 15 minuttir seinni økti hann til 2-0 við góðum stútara.
Ekvador sat á tí mesta og vann fult uppiborið 2-0. Katar hevði ein góðan málmøguleika undan steðginum, men teir góvu ikki okkum nakra orsøk til at halda, at teir vinna seg í áttandapartsfinalurnar.
Hini liðini í bólkinum eru Senegal og Niðurlond, so tað skal nógv til um Katar skal fáa eitt stig.
Katar - Ekvador 0-2 (0-2)
0-1 Enner Valenca ('16, br.)
0-2 Enner Valencia ('31)
HER ber til at síggja hæddarpunktini frá setanardystinum:
##med2##
