Tað gjørdist eitt misjavnt føroyinga-kvøld í bestu íslendsku hondbóltsdeildini í kvøld.
Í Reykjavík var føroyinga-uppgerð, har Fram við Vilhelmi Poulsen og Rógva Dal-Christiansen tók móti ÍBV við Dánjali Ragnarssyni.
ÍBV vann dystin 32-28. Í steðginum var ÍBV á odda 17-16.
Tað var bert ein føroyskur málskjútti í dystinum, og tað var Vilhelm Poulsen sum noteraði seg fyri heili níggju mál í kvøld.
Allan Norðberg og Pætur Mikkjalsson skutu eitt mál hvør, og Nicholas Satchwell hevði seks bjargingar í málinum tá lið teirra, KA tapti greitt 21-28 fyri FH á útivølli. Í steðginum var FH á odda 12-9. Íslendsku ítróttarmiðlarnir halda, at talan er um kreppu hjá KA, ið hevur bert fýra stig fyri seks dystir.
Leygardagin 10. november verður føroyingauppgerð á Akureyri millum KA og Fram.
Sunnudagin 11. november spælir ÍBV á heimavølli móti Afturelding.
| Nummar | Lið | Dystir | V | J | T | Stig | |
|---|---|---|---|---|---|---|---|
| 1 | Stjarnan | 5 | 5 | 0 | 0 | 10 | |
| 2 | Valur | 6 | 5 | 0 | 1 | 10 | |
| 3 | Haukar | 6 | 4 | 1 | 1 | 9 | |
| 4 | ÍBV | 5 | 4 | 0 | 1 | 8 | |
| 5 | Afturelding | 6 | 3 | 2 | 1 | 8 | |
| 6 | FH | 6 | 4 | 0 | 2 | 8 | |
| 7 | Fram | 6 | 4 | 0 | 2 | 8 | |
| 8 | KA | 6 | 2 | 0 | 4 | 4 | |
| 9 | Selfoss | 5 | 1 | 0 | 4 | 2 | |
| 10 | Grótta | 5 | 0 | 1 | 4 | 1 | |
| 11 | HK | 6 | 0 | 0 | 6 | 0 | |
| 12 | Víkingur | 6 | 0 | 0 | 6 | 0 |
