Liðið hjá Óla Mittún, GOG vann sunnudagin í málríkum dysti í Svendborg Arena 39-30 á KIF Kolding. Í steðginum var mest sum avgjørt, tí tá var GOG á odda 22-12.

Óli var sera effektivur. Hann skoraði sjey mál upp á sjey málroyndir, og hann legði eisini upp til tvey mál.

Fyri góða avrikið er Óli valdur á vikuliðið fyri 10. umfar í bestu donsku hondbóltsdeildini.

Hesir manna vikuliðið:

Málverji: Emil Kheri Imsgard (NSH)

Vinstri vongur: Morten Jørgensen (FHK)

Vinstri bakkur: Elvar Ásgeirsson (REH)

Spælskipari: Óli Mittún (GOG)

Høgri bakkur: Nikolaj Larsson (NSH)

Høgri vongur: Patrick Wiesmach (AAH)

Strikuleikari: Anders Zachariassen (BSH)