– Á odda fyri Wenzel Lakk er Sámal Petur Danielsen, og hevur hann góð og roynd fólk afturat sær. Sjálvur hevur Sámal Petur sera drúgvar royndir innan økið, og varð hann útbúgvin autolakkerari í 2007, skrivar P/F Wenzel í tíðindaskrivi. 

– Nevnivert er, at Sámal Petur byrjaði lærutíð sína hjá Wenzel. Afturat honum starvast Tummas Jákup Sørensen - plátusmiður, Dánjal Sørensen - lakkerari, Dávid Dam - móttøkuleiðari, Malan Fríða Hentze - móttøkufólk og Turið Thomsen – skrivstovufólk. 
Nýggja deildin tekur í móti øllum bilmerkjum og eru buglur, skøvur, og lakkeringsskaðar okkara serkunnleiki. Steinsløg, brotnir rútar og tryggingarskaðar taka vit okkum eisini av. 
Verkstaðið er longu latið upp og ber til at bíleggja tíð á telefonnummar 354530 ella við at senda teldupost til [email protected], so eru Dávid og Malan klár at taka í móti tær.