Ukrainski forsetin, Volodymyr Zelenskyj og bretski forsætisráðharrin, Andy Burnham, fara at hittast í London í morgin, mikudagin.
Bretland lovar Ukraina nýggjar loftverjurakettir fyri umleið 386 milliónir krónur í okkara peningi.
Tað hevur Andy Burnham sagt.
Fundurin millum Zelenskyj og Burnham kemur í lag stutt eftir, at amerikanski forsetin, Donald Trump, hevur sagt, at ukrainski forsetin eigur at verða skiftur út.
Somuleiðis kemur fundurin eftir, at amerikanski forsetin hevur gjørt eina sonevnda diesel-avtalu við Russland.
Sambært NTB-tíðindastovuni slær bretski forsætisráðharrin fast, at Bretland fer at stuðla Ukraina so leingi, sum landið hevur brúk fyri hjálp.
Vit kunnu leggja aftrat, at týskvøldið leyp Russland aftur á ukrainska høvuðsstaðin, Kyiv, við ballistiskum rakettum.
Borgarstjórin í Kyiv, Vitali Klitschko, sigur, at russiskar rakettir hava rakt eini háhús í býnum, og bjargingarlið eru á veg á staðið.
Í løtuni er ógreitt, um sivilfólk eru deyð ella særd í russisku álopunum á ukrainska høvuðsstaðin.
