Nú er flytingarvindeygað opið, og í dag skrivaði B71 á sín facebook vanga, at sandoyingar hava skrivað undir sáttmála við nýggjan spælara.
Talan er um Frantzly Zephirin. Hann er ættaður úr Kanada, men hann hevur áður umboðað Haiti í landsliðshøpi. Tað kemst av, at pápi hansara er ættaður úr Haiti.
Nýggi B71 spælarin er høgri vongverji og kann eisini flytast longri fram á vøllin.
Sandoyingar siga soleiðis:
Ungi kanadiumaðurin hevur verið hjá okkum nú í eina tíð, og vit eru sera fegin um hansara blíða og lætta lyndi og vilja at hjálpa felagnum.
B71 er eitt familju- og vinafelag, so vit royna altíð at leita okkum leikarar, ið passa til tann profilin.
Longu í kvøld er nýggi spælarin á B71 liðnum, sum spælir á heimavølli ímóti teimum næstbestu hjá Víkingi.
