Tað lá einki stig eftir til føroyingaliðini, ið vóru í leiki í bestu og næstbestu donsku hondbóltsdeildunum hjá monnum í dag.
Tó vóru góð persónlig avrik í dagsins dystum.
Í næstbestu deildini tapti liðið hjá Kjartani Johansen (myndin) í Hallen Park Vendia í Hjørring 24-28 fyri Tønder, ið eisini var frammanfyri við fýra málum í steðginum, 14-10.
Kjartan skoraði fýra mál upp á seks málroyndir, og hann legði upp til heili níggju mál. Sambært hagtølunum var hann mest effektivi leikarin hjá Vendsyssel.
Vendsyssel er nummar sjey í deildini við 13 stigum.
Liðið hjá Julian J. Kragesteen, Køge tapti á útivølli greitt 31-41 fyri Norddjurs, ið var greitt omaná í fyrra hálvleiki. Í steðginum var heimaliðið á odda 22-13.
Julian var saman við Nicholas Nielsen næstbesti málskjúttin hjá Køge. Teir skutu fimm mál hvør.
Køge er fjórðaftast í deildini við átta stigum.
Í bestu deildini megnaði Magnus Árason ikki at gerast millum málskjúttarnar, tá hann og liðfelagarnir í Mors-Thy á heimavølli taptu í høllini í Thy tapti 34-37 (20-19) fyri Skjern í dysti í bestu deildini.
Mors-Thy er fjórðaftast í deildini við átta stigum.