Føroyski landsliðsspælarin, Daniel Johansen, spældi allan fyrra hálvleik, tá FC Fredericia í dag vann 1-0 á Superligafelagnum AGF í venjingardysti.
Vinstri bakkurin, sum í summar gjørdi sáttmála við danska 1. deildarfelagið, legði sambært Århus Stiftstidende eitt snórabeint innlegg í høvdið á Adam Jakobsen, ið stútaði bóltin í málið. “Topkvalitetsmål” verður sagt um málið.
Daniel Johansen spældi alla seinnu hálvu við HB, áðrenn hann nú hevur endaliga skift til FC Fredericia.
