Føroyska manslandsliðið í hondbólti livdi upp til favorittverdigheitina hjá veddingarfyritøkunum og vann stórsigur 41-31 á Belgia í ti fyrra venjingardystinum í høllini á Hálsi.
Í steðginum vóru Føroyar á odda 19-16. Belgia var á odda 5-3, men tað vendu okkara menn skjótt til eina 9-5 leiðslu.
Í seinna hálvleiki vóru Føroyar greitt omaná, og í seinna hálvleiki fingu okkara menn eisini fitt av málum uppá skjótálop, umframt mong góð mál upp á vælspæld álop.
Pauli Jacobsen stóð væl í málinum, og tað var ógvuliga jaligt, at Føroyar høvdu heili 13 málskjúttar.
Føroyar og Belgia spæla seinna dystin í høllini á Hálsi í annaðkvøld klokkan 19.30.
Málskjúttar: Elias Ellefsen á Skipagøtu 9, Rói Berg Hansen 8, Hákun West av Teigum 6, Teis Horn Rasmussen 3, Tróndur Mikkelsen 2, Kjartan Johansen 2, Allan Norðberg 2, Allan Norðberg 2, Jónas G. Djurhuus 2, Helgi H. Hoydal 1, Ísak Vedelsbøl 1, Vilhelm Poulsen 1, Rói Ellefsen á Skipagøtu 1.
