Føroyska manslandsliðið í hondbólti hevur vunnið báðar venjingardystirnar ímóti Belgia í høllini í Hálsi í Havn.

Í kvøld vunnu Føroyar 34-29 á Belgia, ið gav Føroyum skarpari gang enn í tí fyrra dystinum Føroyar vunnu 41-31 (19-16).

Í kvøld var Belgia á odda 16-15 í steðginum, og leikaði javnt stóran part av seinna hálvleiki. Við fleiri bjargingum hjá Nicholas Satchwell, betri verjuspælið og neyvari álopsspælið seinastu løtuna knógvaðu okkara menn sigurin heim.

Belgiska verjan gav Føroyum størri høvuðbrýggj stóran part av dystinum, men móti dystarenda gekk betri hjá føroyska liðnum at loysa hendan trupuleikan.

Venjarararnir fingu roynt allar leikararnar í hesum báðum dystunum, og fingu stórt gagn av hesum báðum venjingardystunum.

Nú telur tjóðin niður til komandi hósdag klokkan 17, tá vit í Berlin skulu spæla fyrsta søguliga EM-dystin móti Slovenia.

Málskjúttar: Hákun West av Teigum 7, Elias Ellefsen á Skipagøtu 5, Vilhelm Poulsen 5, Teis Horn Rasmussen 3, Óli Mittún 3, Leivur Mortensen 2, Jónas G. Djurhuus 2, Helgi H. Hoydal 1, Tróndur Mikkelsen 1, Kjartan Johansen 1, Rói Berg Hansen 1.