Í dag eru staðfestir 104 nýggir smittutilburðir í Grønlandi.
Av hesum eru heili 81 tilburðir staðfestir í býnum, Upernavík, har stívliga 1000 fólk búgva.
Í løtuni eru næstan 100 aktivir covid-19 tilburðir í Upernavík. Tað merkir, at smittuspjaðingin í býnum er rættiliga umfatandi.
Fleiri enn ein av hvørjum fimm, sum eru kannað í Upernavík, hava fingið staðfest covid-19.
Smitta er eisini staðfest hjá fleiri, eftir at tey eru farin úr býnum.
Eins og í øðrum grønlendskum býum, har smitta er í løtuni, eru eisini nógv børn smitta í Upernavík.
Síðan í gjár eru eisini 20 nýggir smittutilburðir staðfestir í grønlendska høvuðsstaðnum, Nuuk.
Í teimum økjum í Grønlandi, har smittuspjaðingin í løtuni er størst, eru skerpað tiltøk sett í verk til tess at fyribyrgja enn størri spjaðing.
