Andstøðuleiðarin og Nobel-friðarheiðurslønarvinnarin, María Corina Machado, er aftur í Venesuela eftir næstan eitt ár í útlegd.

Í kvøld er hon avmyndað í einari kirkju í statinum, Lara, í Venesuela, og á X skrivar hon: "Eg eri her. Við tykkum..."

- Venesuela! Eg eri glaður fyri at kunngera, at okkara leiðari, mín kæra María Corina, er aftur á venesuelskari jørð.

Soleiðis skrivar ein av hennara stuðlum, Edmundo González, á X.

Sagt verður, at friðarheiðursløn Nobels fekk heimin at gáa eftir, hvat tað var, sum gekk fyri seg í landinum.

Amerikanski forsetin, Donald Trump, sigur, at hann visti einki um, at María Corina Machado er aftur í Venesuela, og sambært Reuters sigur hann, at hon vónandi er trygg.

Machado krógvaði seg leingi í Venesuela fyri at umgangast at vera handtikin av stjórnini hjá Nicolás Maduro.

Tá hon í fjør tók ímóti friðarheiðursløn Nobels í Oslo, varð hon smuglað út úr landinum, men nú er hon so aftur.

Bara vikur eftir, at María Corina Machado fekk friðarheiðurslønina í januar í ár, gav hon heiðurslønina víðari til amerikanska forsetan.

Í januar í ár tóku amerikanskar deildir forsetan í Venesuela, Nicolás Maduros, sum er rættarsøktur í USA.

Eftir hetta gjørdist varaforseti landsins, Delcy Rodríguez, virkandi forseti eftir vælsignilsi frá amerikanska forsetanum.

María Corina Machado hevur síðan 2014 verið sentral í anstøðuni í Venesuela og hevur seinnu árini savnað andstøðuna.

Men, hon slapp ikki at stilla upp til forsetaval í Venesuela í 2024, tí stórnin sýtt henni fyri at stilla upp.

Tískil tók hon sær ístaðin av valstríðnum fyri diplomatin, Edmundo González.

Sagt verður, at González eftir øllum at døma vann forsetavalið yvir Maduro, men landsins valráð valdi ístaðin at útnevna Nicolás Maduro sum vinnara.