Nú ávarar Heilsufrøðiliga Starvsstovan ímóti at taka skeljar til matna á ávísum økjum. Kanningar hava nevniliga staðfest, at tað tað er meiri av algu til í sjónum enn tað er ráðiligt, tá ið skeljar verða tiknar til matna  Heilt ítøkiliga er økið, har tað verður ávarað ímóti at taka skeljar til matna, hesi:

– Sundalagið sunnan fyri Streymin og Tangafjørð;

– Skálafjørður

Kollafjørður og Kaldbaksfjørður

Sundalagið norðan fyri Streymin.

Sí annars myndina niðanfyri.

Vit ráða tí staðiliga frá eta tvískeljar, ið eru tiknar á hesum øki, tí tá ið so nógv alga er í sjónum, er vandi fyri, at tær eru eitraðar, sigur Heilsufrøðiliga Starvsstovan. Eru skeljarnar eitraðar, kann hava við sær at fólk gerast álvarsliga sjúk av at eta tær.

Sjúkuteknini kunnu vísa seg upp á nakrar fáar minuttir, men í øðrum førum vísa tey seg ikki fyrr enn eitt samdøgur er farið. Sjúkuteknini kunnu vera Leyst lív, spýggja, høvuðpína, búkpína, ørilsi, skriði og tú kanst missa følilsi rundan um munnin og tað kann breiða seg til andlit og nakka. Tað kann eisini fara at prika í fingrunum.

Men í álvarsligum førum kann tað eisini elva til skaðar á nervavevnað andingarleiðirnar verða lammaðar og er lívshættisligt. Andahjálp kann bjarga teimum, sum verða illa sjúk, men heilivágur er eingin.