– Í hesum sambandi hevur Fiskivinnu- og samferðslumálaráðið tikið avgerð um at seta Marjun Weihe Thomassen, fíggjarleiðara á Landsverki, sum virkandi stjóra, inntil starvið er sett av nýggjum, skrivar samferðslumálaráðið.
Farið verður beinanvegin undir at fyrireika eina tilgongd at seta nýggjan stjóra á Landsverki.
Sigurð Lamhauge hevur verið stjóri á Landsverki síðani 1. oktober í 2019. Hann var settur sum stjóri í eitt fimm ára skeið. Hann hevur fingið starvið sum nýggjur stjóri á brennistøðini hjá IRF.
