Sum tann seinasta støðin hevur Magn boðað frá, at nú er einki bensin eftir á Sandi, sum var seinasta støðin hjá Magn í landinum, sum hevði brennievni til sølu. Har var uppi í gjár.
Allar tríggjar støðirnar hjá Effo í Suðuroy hava framvegis bæði bensin og diesel til sølu, men tær eru so tær einastu í landinum, sum enn hava brennievni. Sum skilst hava fleiri ferðast við bili til Suðuroyar at fylla sær tangarnar um vikuskiftið, og har vóru langar bíðirøðir. 
Hetta fekk eisini myndugleikarnar at senda út ávaring um, at tað ikki er loyvt at flyta størri nøgdir av bensini í dunkum. Strandferðslan sendi síðani út eina ávaring leygarmorgunin um, at bilar við brennievni í dunkum í viðførisrúminum ikki sluppu við Smyrli.