Tær hava verið ógvuliga sannførandi í alt summar, og soleiðis var tað eisini í dag. Blaðungu genturnar umborð á Sílinum løgdu seg beinanvegin á odda, og fram ímóti málinum var talan um uppvísningsróður.

Sílið var fleiri bátslongdir undan hinum bátunum, og sigurin var tann mest sannførandi higartil í dag.

Ørnin úr Sandavági hevur verið næstdrúgvasti bátur í summar, og tað endaði við, at Ørnin vann silvur í FM kappingini. Í dag kappaðist Ørnin við Drekan um næstfremsta plássið, og ta kappingina vann Drekin, sum akkurát var undan Ørnini á mál.

úrslit/rsf.fo