Spennandi og javni dysturin í SMS-deildini í kvøld var grannauppgerðin í Hoyvíkshøllini millum H71 og Neistin. Í seinasta álopinum beint undan dystarloki skoraði Hervør Niclasen sigursmálið fyri Neistan, ið vann dystin 31-30. Í steðginum var H71 á odda 16-14.
Maria H. Weyhe var toppskjútti hjá H71 í kvøld. Hon skoraði heili 13 mál. Anna Sigrunardóttir Mikkelsen var við átta málum toppskjútti hjá Neistanum.
Í høllini í Vestmanna vann VÍF stórsigur 36-21 á Kyndli. Í steðginum var heimaliðið á odda 19-11.
Rakul Borgarlíð Joensen var við sjey málum toppskjútti hjá VÍF. Við fimm málum var Bára Krossteig Hansen toppskjútti hjá Kyndli.
Í høllini á Skála vann EB greiðan 27-18 sigur á StÍF. Í steðginum vóru eiðiskvinnur á odda 13-8.
Við fimm málum var Rebekka Justinussen toppskjútti hjá StÍF. Toppskjútti hjá EB við 10 málum var Maria Fisker Stokholm.
H71 er fremst við 12 stigum fyri átta dystir. Neistin er nummar tvey við 11 stigum fyri sjey dystir. VÍF, EB og Stjørnan hava átta stig hvør. StÍF hevur trý stig, meðan Kyndil er aftast við tveimum stigum.
HER ber til frá HSF at síggja dómaraseðlarnar frá teimum dystunum, ið eru leiktir í kvøld:
-
©
