info
Ongi úrslit

Skúladrongur sparkaði Spania í EM-finaluna

EM24: 16 ára gamli Lamine Yamal hevur gjørt skúlating og skotið Spania í EM-finaluna í sama summar

Tróndur Arge
9. juli 2024 kl. 22:54

Tað var undirhald og flott mál, tá Spania í kvøld vann seg í EM-finaluna við 2-1 sigri á Fraklandi. 16 ára gamli Lamine Yamal, sum spælir við FC Barcelona, bleiv stóra hetjan við avbera góðum máli.

Fyrr í summar mátti Lamine Yamal gera lektiur og fara í skúlaroynd. Í kvøld sparkaði hann Spania í EM-finaluna fyri fyrstu ferð síðani 2012. Tá var Lamine Yamal fýra ára gamal. Viðmerkjarar sum Gary Lineker og Alan Shearer kalla hann fyri eina komandi heimsstjørnu og í dag víst hann hví.

Tað var annars Frakland, sum kom á odda tíðliga í dystinum. Kylian Mbappé fann snildisliga Randal Kolo Muani. Áleyparin setti pannuna á og skoraði. Nú var ein vandi fyri, at franski verjugarðurin fór at setast aftur og laða fyri egnan brotsteig.

Tíbetur fyri dystin, so tók Lamine Yamal sakina í egnar hendur miðskeiðis í fyrra hálvleiki og sendi ein perlu upp í handara málhorn úr 20 metrum. Besta málið í EM-endaspælinum higartil og eitt mál, sum helst kemur at mynda skúladrongin úr Barcelona í framtíðini.

Bara fýra minuttir seinni vísti Dani Olmo, sum avloysti skadda Pedri, bóltførleika á høgum stigi í brotsteiginum hjá fraklendingum. Hann sneiddi seg leysan og meddaði til. Umvegis ein verjuspælara endaði bólturin í málinum.

Spania hevði munin restina av dystinum og tekniski førleikin á spanska landsliðnum verður ikki tikin. Frakland hevði nakrar málmøguleikar, men millum annað Kylian Mbappé rakti ikki málið.

Spania skal møta Onglandi ella Hollandi í finaluni.

Hálvfinalur:

Týsdagin 9. juli:

Spania – Frakland 2-1

0-1 Randal Kolo Muani, 9

1-1 Lamine Yamal, 21

2-1 Dani Olmo, 25

Mikudagin 10. juli:

Ongland – Holland(20.00)

EM finalan:

Sunnudagin 14. juli

Spania – Ongland /Holland (20.00)

Mest lisið hesa vikuna

Landsstýrið black­list­ar 16 bygdi­r og bý­ir í Føroyum

18. november kl. 10:11

Svøríki: Byrjaði at eta seg sjálvan

18. november kl. 14:27

Eldur í á skipasmiðjuni á Skála

18. november kl. 18:14

Nøkur orð um skyldmannin Allan Enghamar

15. november kl. 17:35

Roykur rekur móti bygdini á Skála

18. november kl. 19:26

Sosialurin hevur nú sítt egna »Tíðarrit«

15. november kl. 17:38

Fleiri tíðindi

Fótbóltur

Næstsíðstu dyst­ir hjá før­oy­inga­liðu­num í kapp­ingar­ári­num

2 tímar síðan
Hondbóltur

SMS: VÍF vann á H71 í Hoyvíkshøllini

3 tímar síðan
Tíðindi

Ætla at gera føroyskan ræðufilm fyri 15 milliónir krónur

4 tímar síðan
Tíðindi

NATO: Vit fara at verja hvønn einasta metur av Póllandi

5 tímar síðan
Tíðindi

Ummæli: Faderhuset

5 tímar síðan
Tíðindi

Tí eru klementinurnar mislittar

5 tímar síðan
Tíðindi

Vánaligur seinni hálvleikur gjørdist dýrur hjá KA/Þór

5 tímar síðan
Fótbóltur

Mjällby leikti javnt og Västerås tapti

6 tímar síðan
Hondbóltur

Myndir: Kyndil vann 27-22 móti StíF

6 tímar síðan
Tíðindi

Stórt telduálop legði íslendskar vevtænastur lamnar

6 tímar síðan
Hondbóltur

Myndir: H71 - KPR Ostrovia Ostrów

7 tímar síðan
Hondbóltur

SMS: Stjørnan vann á EB og Kyndil vann á StÍF

7 tímar síðan