Agatha Kjærbæk og Joan R. Johannesen fingu eina keðiliga upptakt til landsliðsuppgávurnar, ið eru fyri framman við spennandi venjingardystum móti Noregi og Danmark, og við EM-endaspæli í komandi mánað.
Liðið hjá Agathu og Joan, KA/Þór var á odda í steðginum í dystinum í KA Heimilið høllini á Akureyri 19-16 móti ÍBV.
Men tá dysturin var liðugur var tað ÍBV, ið hevði vunnið dystin við trimum málum, 35-32. KA/Þór tapti seinna hálvleik 13-19.
Agatha og Joan skutu tvey mál hvør. Agatha vann eisini liðnum eitt brotskast.
KA/Þór er triðaftast í deildini við fýra stigum.