Tveir dystir í SMS-deildini byrjaðu klokkan 18.
Í KÍ-høllini vann oddaliðið, Stjørnan stórsigur 35-22 á EB. Í steðginum var tað mest sum avgjørt. Tá var Stjørnan á odda 23-10.
Sarah Spangsmand Madsen var við átta málum toppskjútti hjá Stjørnuni. Toppskjútti hjá EB við níggju málum var Dinna F. Lamhauge.
Í høllini á Hálsi Suður vann Kyndil ein kærkomnan 27-22 sigur á StÍF. Í steðginum vóru kyndilskvinnur á odda 13-10. Hetta er bert annar sigurin hjá Kyndli í hesum kappingarárinum.
Við átta málum var Mira Bendix Laursen toppskjútti hjá Kyndli. Toppskjútti hjá StÍF við fimm málum var Rebekka Justinussen.
Klokkan 20 byrjar dysturin í Hoyvíkshøllini millum H71 og VÍF.
Undan tí dystinum er Stjørnan fremst í deildini við 18 stigum, H71 hevur 14 stig og Neistin hevur 13 stig. VÍF hevur 12 stig og EB hevur 10 stig. Kyndil hevur fýra stig og StÍF er aftast við trimum stigum.
HER ber til frá HSF at síggja dómaraseðlarnar frá dystunum Stjørnan-EB og Kyndil-StÍF:
-
©