VIDEO: Seinast Turkaland spældi í Føroyum gekk framúr væl

(Video) Seinast Føroyar spældu móti Turkalandi á heimavølli var á ovara vølli í Gundadali 15. juli í 1991

Í annaðkvøld klokkan 19.45 spælir føroyska fótbóltslandsliðið seinasta dystin í Nations League kappingini hesaferð.

 

Dysturin verður móti Turkalandi, ið longu hevur vunnið okkara bólk.

 

FM1 sendir beinleiðis av Tórsvølli frá klokkan 18. Reportari verður Petur Asbjørn Lervig. Tróndur Arge sigur beinleiðis frá dystinum. Jens Martin Knudsen verður viðmerkjari. 

 

Vit hava bara einaferð áður spælt móti Turkalandi á heimavølli, og tá gekk tað framúr væl. 

 

Tað var 15. juli í 1991 á ovara vølli í Gundadali í Havn, har tað eydnaðist Føroyum at fáa ein flottan javnleik 1-1 í einum venjingardysti. Todi Jónsson legði Føroyar á odda aftaná eitt framúr gott gjøgnumbrot. Tá vóru seks minuttir leiktir av seinna hálvleiki. Tá eitt lítið korter var eftir javnaði Turkaland til 1-1. Móti dystarenda hevði Gunnar Mohr ein stóran málmøguleika at leggja Føroyar á odda 2-1.

 

HER ber til at síggja og hoyra samandráttin hjá Sjónvarpi Føroya frá dystinum. Vagnur Michelsen var frásøgumaður. Tað er YouTube rásin, Farerets sum hevur lagt nógv minnilig føroysk landsliðsbrot út, ið hevur lagt hendan samandráttin út á YouTube:

 

##med2##