Óli Mittún og liðfelagarnir í GOG halda fast í oddasessinum í bestu donsku hondbóltsdeildini.
Seinnapartin vann GOG á útivølli stórsigur 41-29 á Skive. Í steðginum var GOG á odda 23-17.
Óli var næstbesti málskjúttin hjá GOG. Hann skoraði seks mál upp á sjey málroyndir, og hann legði eisini upp til fýra mál.
GOG er fremst í deildini við við 17 stigum fyri níggju dystir. Ribe-Esbjerg er nummar tvey við 15 stigum.
Komandi hósdag klokkan 17.45 spælir GOG dyst í innleiðandi bólki D í Champions League. Mótstøðuliðið á Arena Svendborg verður svenska liðið, Kristianstad.
