Minst 11 fólk lótu lív og 27 fingu skaða í eini ferðsluvanlukku í vestara parti av Turkalandi í dag.

Ein ferðafólkabussur stoytti saman við ein lastbil og koppaði í Manisa-landslutinum. Vanlukkan hendi nær eini innkoyring á motorvegin millum býirnar Bursa og Izmir.

Tað upplýsa myndugleikarnir í Manisa sambært tíðindastovuni AFP.

Innanríkisráðharrin, Mustafa Ciftci, sigur, at bjargingarfólk vórðu send á staðið, og at myndugleikarnir fylgja støðuni neyvt.

Myndir hjá turkisku tíðindastovuni DHA vísa bussin liggja á síðuni við stórum skaða. Sløkkiliðs- og heilsustarvsfólk arbeiða kring bussin, og brotið glas og leysir lutir liggja á vegnum.

Í upplýsingunum frá AFP verður ikki greitt nærri frá orsøkini til vanlukkuna ella støðuni hjá teimum 27, sum fingu skaða.