Ein bussur hjá Bygdaleiðum eigur at koyra beinleiðis úr Vágum til Vestmanna. Tað heldur Jóhannis Joensen, tingmaður fyri Javnaðarflokkin.
Hann vísir á, at í løuni ganga 30 næmingar úr Vágum á miðnámsskúla í Vestmanna og tí heldur hann, at grundarlag kann vera fyri at hava eina rutu beinleiðis úr Vágum til Vestmanna.
Sum støðan er nú, mugu næmingar úr Vágum við bussinum til Effostøðina í Vestmanna, har teir síðani sleppa í bussinum úr Havn til Vestmanna.
Jóannis Joensen vísir á, at frammanundan er bussur settur í beinleiðis rutu ímillum Vágar og Glasir fyri at gera tað lættari hjá næmingum úr Vágum, sum ganga har og hann heldur, at tey, sum ganga í miðnámsskúla í Vestmanna, eiga at fáa somu sømdir.
