Í minsta lagi 14 fólk, harímillum fleiri børn, vóru dripin í fleiri dronuálopum á eina legu í Amhara-regiónini í Etiopia í gjár.

Tað upplýsa trý vitnir á staðnum, og tað er norska tv2.no, sum endurgevur.

Eitt fólk, sum kallast Yasin, sigur, at legan varð rakt av fýra dronum, og at 14 fólk lótu lív.

Vitni, sum útlendskir miðlar hava skift orð við, sigur, at millum tey deyðu vóru bæði kvinnur, sum vóru við barn og onnur børn.

Sambært tv2.no var talan um eina legu við flóttafólki í Etiopia.

Støðan í Etiopia er merkt av stórum spenningi, og landið er í tveimum stórum stríðsøkjum, sum elva til ræðuligar humaniterar støður.