Grønlands Politi sigur í tíðindaskrivi, at tey hava handtikið ein 21 ára gamlan mann, sum er skuldsettur fyri dráp.

Ungi maðurin er handtikin í samband við, at ein 20 ára gamal maður er funnin deyður í býarpartinum, Nuussuaq í grønlendska høvuðsstaðnum.

Sambært løgregluni verður hin 21 ára gamli grundlógaravhoyrdur í Sermersooq Kredsretdag í dag.

Í gjárkvøldið skrivaði grønlendska kringvarpið - KNR - at stórt løgreglulið var til staðar í Nuussuaq í samband við eina álvarsliga hending.

Grønlands Politi váttar yvirfyri Sermitsiaq, at orsøkin til átakið er eitt dráp, og í hesum sambandi var økið stongt fyri almenninginum.

Í samband við kanningarrabeiðið vil Grønlands Politi í løtuni ikki upplýsa meira um hendingina í Nuuk.

- Um fólk halda seg hava hoyrt ella sæð okkurt í Nuussua-býarpartinum, sum kann vera viðkomandi fyri málið, eru fólk vælkomin at venda sær til Grønlands Politi.