Av tí at tað er fyrstu ferð, at varamaður tekru sæti fyri Javnaðarflokkin síðani løgtingsvalið 26. mars í ár, skuldi eitt ávíst kanningararbeiði til, sum vanligt er. Formaðurin biður tá fýra tingfólk kanna valtølini, og tey komu til, at Djóni Nolsøe Joensen er fyrsti varamaður fyri Javnaðarflokkin. Hann fekk 202 atkvøður á løgtingsvalinum og nummar 9 á listanum hjá Javnaðarflokkin, sum fekk 6 tingfólk. Av tí at Aksel V. Johannesen og Margit Stórá eru landsstýrisfólk, hava tey farloyvi úr Løgtinginum. Í teirra stað eru Bjørt Lind (287 atkvøður) og Eyðgunn Samuelsen (263 atkvøður) fastar varatingkvinnur.

Tingfólkini komu til ta niðurstøðu, at Djóni Nolsøe Joensen er tann, ið eigur at møta sum fyrsti varamaður fyri Javnaðarflokkin frá 5. november at rokna.