Í minsta lagi 24 eru deyð og 93 særd eftir loftálop á eina mosku nærhendis al-Aqsa sjúkrahúsinum í Deir al Balah í miðskeiðis í Gazageiranum.
Tað boðaði fjølmiðlaskrivstovan, sum Hamas hevur eftirlit við, frá sunnumorgunin, sambært Reuters.
Fyrr í nátt boðaði palestinska tíðindastovan Wafa frá, at 18 vóru deyð. Í fyrstu fráboðanunum um álopið var talið av deyðum fimm.
Moskan varð brúkt til at hýsa flýddum palestinarum.
Ísraelski herurin (IDF) sigur í eini fráboðan, at hann "framdi eitt nágreiniligt álop móti yvirgangsmonnum hjá Hamas, sum virkaðu innan úr einum bygningi, sum fyrr var Shuhada al-Aqsa moskan í økinum Deir al . - Bála".
Mánadagin er eitt ár síðani Ísrael varð álopið av hernaðarliga islamistiska bólkinum Hamas, og eftir hetta byrjaði kríggið í Gaza, og drúgva ósemjan kyknaði harðliga upp aftur.
Umleið 1.200 doyðu, tá Hamas leyp á Ísrael 7. oktober.
Í álopinum hjá Ísrael í Gaza eru í minsta lagi 41.825 fólk dripin, upplýsir heilsumálaráðið í økinum, sum Hamas ræður á.
Ísraelski herurin hevur enntá framt álop í Libanon í nátt.
Libanon og Ísrael hava næstan dagliga skotið um markið, síðani Gaza-stríðið brast á.
Stríðið harðnaði, tá bipparar hjá Hizbollah-limum í Libanon brustu 17. september.
Eftir hetta komu fleiri vikur við herdum loftálopum móti Suðurlibanon, har ovasti leiðarin í Hizbollah-rørsluni, Hassan Nasrallah, varð dripin fríggjadagin í síðstu viku.
Týsnáttina fór Ísrael síðani undir álop á landi í Suðurlibanon.
Tað var eisini týsdagin, at Iran sendi eina fleiri rakettir og dronur móti Ísrael.
Iran hevur sagt, at álopið á Ísrael var hevnd fyri, at leiðarin í Hizbollah, Hassan Nasrallah, varð dripin í einum stórum ísraelskum álopi 27. september.
Ísrael hevur boðað frá álopi sum svar uppá iranska rakett- og dronuálopið týsdagin.

/Ritzau/