Í hesum døgum eru liðin 40 ár síðani Sigurð Leifsson Lamhauge framdi eitt av fremstu brøgdum í Føroya søgu. 

Sigurð svam og rann úr Akrabergi til Kirkju í Fugloy. Fólk fylgdu sera væl við avrikunum hjá Sigurði í Útvarpi Føroya og Sjónvarpi Føroya, og í teimum prentaðu miðlunum.

Í dag er 11. august. 11. august í 1985 svam Sigurð úr Skopun, um Hælin í Hesti og gekk heim í bygdina.
Fitt av fólki fylgdi honum heim í bygdina, sum niðasta myndin úr Ítróttarárbókini eisini vísir.

Hetta var árið fyri Ove Joensen framdi stóra bragdið at rógva úr Nólsoy til Longu Linju í Keypmannahavn. 

Í stuttari viðmerking sigur Sigurð 40 ár seinni: - Hatta var ein minnilig og lærurík ferð fyri ein 22 ára gamlan havnardrong.

Vónandi hevur Dagur og Vika eitt innslag um hetta í annaðkvøld, har minniligu upptøkurnar aftur vera at síggja. Hervið er tann áheitanin farin víðari.