Talið av deyðum, eftir at eldur kom í eina ferju á Filipsoyggjunum hósdagin, er nú komið upp á 76.
Tað upplýsir bjargingartænastan á Filipsoyggjunum sambært Reuters.
Fyrr í morgun frættist, at talið av deyðum var komið upp á 35, men stúrt varð fyri, at talið fór at veksa.
Ferjan, MV June Aster, loysti í Baseco á Manila og var á veg til Coron í landslutinum, Palawan, tá eldur kyknaði í lastini.
Sagt verður, at skjótt stóð alt skipið í ljósum loga.
Sambært ferðafólkalistanum vóru tilsamans 134 fólk við MV June Aster - 117 ferðafólk, og manningin taldi 17.
Tá eldurin kyknaði, vórðu 30 ferðafólk og 13 av manningini bjargað á lívi, vita útlendskir miðlar at siga í dag.
