Sum bolt.fo hevur skrivað, so hevur AB gjørt ein útskifting í hópinum. Finski vinstri bakkurin, Fahad Mohamed, er farin aftur til Finnlands, meðan Oleksandr Snizhko er nýggjur maður í hópinum.

Framrættaði miðvallarin úr krígsrakta Ukraina hevur verið í Føroyum í nakrar vikur, og hevur millum annað spælt venjingardyst næstbesta liðnum. Hann er tekniskur og styrkir liggur í avleveringunum. Bólt.fo skrivar, at hann hevur spælt í næstbestu deildini í Ukraina og at tað verður bíðað eftir loyvunum.

- Enn manglar hann tó at fáa loyvini uppá pláss og sum skilst er tað lógin um flóttar, sum forðar. Lógarbroyting er ávegis í løgtinginum, sum kann loysa upp fyri, at til dømis hesin spælarin fær spælt. Undantøk eru av FIFA givin til spælarar úr Ukraina, so at hesir sleppa at skifta til feløg, hóast flytingarvindeyguni eru stongd, skrivar bolt.fo.

 Fahad Mohamed spældi tveir dystir. Í 1. umfari móti HB og í 2. umfari móti 07 Vestur.