Ikki eiti á upphædd.
Okkara verandi fíggjarlógaruppskot, hinvegin, hevur eitt yvirskot á einans 38 milliónir. Allar sparingar skulu hartil halda, soleiðis at vit kunnu varðveita hatta yvirskotið - og tað eru longu ávísar ábendingar um, at okkurt sparitiltak ikki verður heilt so lætt.
Men hvat er so problemið - tá tað í roynd og veru er yvirkot á fíggjarlógini?
Jú, sært tú, vit vita at:
vit eru fleiri eldri enn yngri
forskattingin av pensjónini er stuldur frá komandi ættarliðum
útreiðslunar bert vaksa
verandi inntøkukeldur fara ikki at røkka
Vit skulu tí spara sera nógv av tí, tað kostar, at hava okkara samfelagshjól koyrandi. Og broyta vit ikki okkara inntøkum, kunnu vit eins væl veittra farvæl til ta vælferð, vit kenna í dag.
Vit mugu tí tora at hyggja longur enn eitt ár fram, og vit kunnu ikki lata okkara samfelag fána burtur, tí at vit ikki tora at fara eftir yvirnormala vinnininginum í ali-og fiskivinnuni.
Hetta snýr seg um, at føroyska fólkið skal fáa ein rímiligan part av virðunum, sum verða skapt úr okkara egna tilfeingi.
Tí ið hesum kunnu vit skapa heimsins besta land hjá øllum at vera í.
Helena F. Jørmundsson
