- Í samband við samstarvsavtaluna við Barnaverndartænastuna í Tórshavnar kommunu, verður almenn móttøka í hølunum hjá Sands kommunu hósdagin hin 17. september millum klokkan 15 og 17.
Hesum boðar Skopunar kommuna frá í dag.
Tað er Barnaverndartænastan í Tórshavnar kommunu, sum bjóðar til opið hús á Sandi.
Tiltakið er í samband við, at kommunurnar í Sandoyar sýslu, sum Skúvoyar kommuna eisini er partur av, hava undirskrivað samstarvsavtalu við Tórshavnar kommunu.
- Sambært avtaluni umsitir BTV í Tórshavnar kommunu málini hjá BTV í Sandoyar sýslu frá 1. apríl 2026 at rokna.
Ein skrá er løgd fyri almennu móttøkuna á Sandi, og tá fólk eru møtt umleið klokkan 15.15, verður farið undir skránna.
Fyrst fer stýrið fyri BTV í Sandoyar sýslu at kunna um samsarvsavtaluna, og síðan verður kunning um virksemi hjá BTV í Tórshavnar kommunu.
- Kunnað verður eisini um fyribyrgjandi arbeiði, dagstovna-og skúlasamstarv og SSP.
At enda verður sagt, at starvsfólk frá BTV í Tórshavnar kommunu eisini verða við til móttøkuna, og her verður kaffi og kaka at fáa.
