Skotski ráðharrin Iain Stewart, ið umboðar »Parliamentary Under Secretary of State in the Scotland Office« í bretsku stjórnini, vitjar í hesum døgum í Føroyum. Saman við honum eru sjey politiskir ráðgevar, miðlaráðgevar, skrivarar og umboð fyri bretsku sendistovuna í Keypmannahavn.
Í gjár nýtti ráðharrin høvi at leggja ein krans á gravirnar hjá teimum bretsku hermonnunum í kirkjugarðinum við Velbastaðvegin. Saman við honum hesa løtuna vóru eisini Thomas H. Dam, sum er bretskur konsul í Føroyum, og Bogi Jacobsen, tekniskur stjóri hjá Tórshavnar kommunu.
Álvur Haraldsen, myndamaður á Sosialinum, tók myndirnar:
