Ein dystur var seinnapartin leiktur í Burn Mansdeildini.
Í Hoyvíkshøllini vunnu verandi greipuvinnararnir, H71 greiðan 42-30 sigur á StÍF. Í steðginum vóru hoyvíkingar á odda 24-16.
Boas Ellefsen á Skipagøtu (myndin) var toppskjútti hjá H71, og Búi D. Poulsen var toppskjútti hjá StÍF. Ungu stórtalentini skutu 10 mál hvør.
Ígjár vann Neistin 28-22 á Team Klaksvík í KÍ-høllini, og fríggjakvøldið vann KÍF 35-24 á EB.
H71 og Neistin hava fýra stig hvør. KÍF, Kyndil og VÍF hava tvey stig hvør, meðan StÍF, EB og Team Klaksvík hava fyrsta stigið til góðar.
