Tríggir dystir eru leiktir í SMS-deildini í dag.
Í høllini á Hálsi suður vann Neistin í grannauppgerðini móti Kyndli 28-25. Í steðginum vóru neistakvinnur á odda 16-12.
Bára Krossteig Hansen var við 14 málum stórskjútti hjá Kyndli. Toppskjútti hjá Neistanum við sjey málum var Anna Sigrunardóttir Mikkelsen.
Í Hoyvíkshøllini vann H71 stórsigur 36-18 á StÍF. Í steðginum var støðan 20-9.
Maria H. Weyhe (myndin) var toppskjútti hjá H71 við sjey málum. Veteranurin, Poula Dulavík Berg var við fýra málum toppskjútti hjá StÍF.
Í KÍ-høllini vann Stjørnan 31-24 á VÍF. Í steðginum vóru klaksvíkskvinnur á odda 15-10.
Við átta málum var Sarah Spangsmand Madsen toppskjútti hjá Stjørnuni. Durita Christophersen Jojic og Rakul Borgarlíð Joensen vóru við fimm málum hvør toppskjúttar hjá VÍF.
Neistin og Stjørnan hava fýra stig hvør. VÍF og H71 hava tvey stig hvør, meðan Kyndil, StÍF og EB hava enn fyrsta stigið til góðar.
