Skógir, landbúnaðarøki og stór mógvlendi mynda landslagið kring estiska býin Pärnu. Her eru eisini vátlendini í Soomaa-tjóðgarðinum.

Á dagsins Copernicus-mynd sæst týðiliga, hvussu ymisk økini eru. Skógur og dyrkað lendi síggjast í ymiskum grønum litum, meðan brúnu økini fyri tað mesta eru mógvendi. Tey regluligu reyðbrúnu økini eru hinvegin lendið, sum er veitt og verður nýtt til mógtøku.

Myndin varð tikin 7. september av einum av Sentinel-2 fylgisveinunum hjá Copernicus.

Mógvlendi hevur serligan týdning í stríðnum móti veðurlagsbroytingum. Jørðin er so vatnrík, at plantuleivdir bert verða partvíst niðurbrotnar. Við tíðini hópast tær upp og verða til mógv. Soleiðis verður kolevni bundið og goymt í jørðini í øldir í staðin fyri at enda í lofthavinum sum vakstrarhúsgass.

Men tá mógvlendi verður veitt, kann henda goymslan verða órógvað. ES hevur tí sett mál um at endurskapa veitt mógvlendi, sum verður nýtt til landbúnað.

Fylgisveinamyndir frá Copernicus kunnu brúkast til at fylgja við gróðri, vatnviðurskiftum og broytingum í nýtsluni av lendinum. Á tann hátt kunnu tær eisini vera eitt amboð í arbeiðinum at endurskapa mógvlendi.