Hóskvøldið tapti liðið hjá Óla Mittún, GOG í Svendborg Arena 35-37 fyri Sporting Lissabon, ið var á odda 16-11 í steðginum.
Talan var um bólkafinaluna í innleiðandi bólki D í Champions League.
Óli skoraði 11 mál upp á 14 málroyndir, og hann legði eisini upp til fýra mál.
Fyri góða avrikið er Óli av evropeiska hondbóltssambandinum valdur á liðið fyri 6. umfar í Champions League.
Ein sera stórur heiður.
Teir sum manna liðið fyri 6. umfar:
Málverji: Ionuț Ciprian Iancu, Dinamo Bukarest
Vinstri vongur: Frederik Friche Bjerre, Wisla Plock
Vinstri bakkur: Elohim Prandi, PSG
Spælskipari: Óli Mittún, GOG
Høgri bakkur: Mathias Gidsel, Füchse Berlin
Høgru vongur: Leon Stehl, MT Melsungen
Strikuleikari: William Höghielm, IFK Kristianstad
Verjuleikari: Dragan Pechmalbec, Veszprém
