Fimm menn, sum í gjár vórðu handtiknir nærindis RAF Fairford-flogstøðina í Bretlandi, eru leyslatnir móti veðhaldi.
Tað upplýsir Laurence Taylor, leiðari fyri bretsku antiterrorløgregluna, sambært BBC og Reuters.
Menninir verða leyslatnir eftir tað, sum løgreglan lýsir sum umfatandi avhoyringar.
Teir eru kortini framvegis undir kanning, og málið er ikki liðugt kannað, undirstrikar Laurence Taylor.
Bretska løgreglan hevur áður upplýst, at teir fimm menninir eru undir illgruna fyri at hava fyrireikað eitt yvirgangsálop.
Antiterrorløgreglan segði fyrr í dag, at ein »sera torgreidd og umfatandi løgregluatgerð« framvegis er í gongd.
RAF Fairford er ein bretsk flogstøð, sum eisini verður brúkt av amerikanska herinum.
/Ritzau/
