info
Ongi úrslit

Gravgangur eftir el­bil­um – SEV hev­ur ong­ar løði­støðir eftir

Eftirspurningurin eftir elbilum og løðistøðum til heimabrúk er so stórur, at SEV í løtuni er í uppisetri fyri heimaløðistøðir. Nýggj sending við 150 støðum verður væntandi tøk mitt í næstu viku.

Eirikur Lindenskov
21. november 2026 kl. 12:45

Tað er gravgangur eftir elbilum í Føroyum, nú tað nærkast nýggjárinum, og avgjaldsfyrimunirnir fyri elbilar verða minni.

Hetta merkist eisini hjá SEV, sum leigar heimaløðistøðir út til elbilaeigarar.

Sambært Dimmalætting hevur SEV í løtuni ongar heimaløðistøðir eftir á goymslu.

Nýggj sending við 150 løðistøðum verður væntandi tøk mitt í næstu viku, og 150 støðir afturat eru bílagdar.

Í ávísum vikum hevur SEV latið millum 40 og 50 heimaløðistøðir út til kundar.

Minni avgjaldsfyrimunur næsta ár

Ein orsøk til stóra eftirspurningin er sambært Dimmalætting, at fíggjarligu fyrimunirnir við at keypa elbil verða minni frá 1. januar.

Í ár kunnu elbilakeyparar fáa upp í 35.000 krónur í meirvirðisgjaldi aftur.

Í 2027 verður hægsta afturberingin 17.500 krónur.

Eisini verða broytingar í skrásetingargjaldinum.

Tað kann gera tað meira áhugavert hjá fólki, sum kortini ætla at keypa elbil, at fáa keypið avgreitt áðrenn ársskiftið.

SEV vil hava fólk at løða heima

SEV hevur áður víst á, at tað er ein fyrimunur fyri elskipanina, at elbilaeigarar hava egna løðistøð heima.

Tá ber til at skipa løðingina soleiðis, at bilarnir í størri mun verða løddir um náttina, tá trýstið á elskipanina er minni.

Við snildløðing kann løðingin eisini tillagast, so hon í størri mun fer fram, tá grøn orka er tøk.

SEV mælir tí elbilaeigarum til at fáa sær eina góðkenda heimaløðistøð heldur enn at brúka eina vanliga elkontakt til regluliga løðing.

Tað er ikki upplýst, hvussu nógvir elbilar eru skrásettir higartil í november.

Kelda: Dimmalætting og SEV.

Mest lisið hesa vikuna

Landsstýrið black­list­ar 16 bygdi­r og bý­ir í Føroyum

18. november kl. 10:11

Svøríki: Byrjaði at eta seg sjálvan

18. november kl. 14:27

Eldur í á skipasmiðjuni á Skála

18. november kl. 18:14

Fyrrverandi NSÍ venjari er deyður

14. november kl. 17:37

Nøkur orð um skyldmannin Allan Enghamar

15. november kl. 17:35

Roykur rekur móti bygdini á Skála

18. november kl. 19:26

Fleiri tíðindi

Tíðindi

Eldur í russiskum farmaskipi í Finsku Víkini eftir dronuálop

4 minuttir síðan
Tíðindi

Eivør verður høvuðs­navn á stór­ari tón­leika­stevnu í Íslandi

6 minuttir síðan
Tíðindi

Russiskar rakettir komu inn á pólskt øki – NATO fordømir hendingina

1 tími síðan
Tíðindi

Útleigarar kunnu fáa skatta­frá­drátt og sam­stund­is leiga út til Airbnb

1 tími síðan
Tíðindi

Fyrsta gull heiðursmerki í 35 ár

2 tímar síðan
Tíðindi

Her liggja meira enn 2.000 flakar til at ala krækling

2 tímar síðan
Tíðindi

Ein svevur rúsin av sær eftir miðnámsveitslu í Gundadali

3 tímar síðan
Hondbóltur

VIDEO: Vilhelm fekk reyða kortið

4 tímar síðan
Tíðindi

Russiski sendiharrin í Svøríki kallaður inn til samrøðu

4 tímar síðan
Tíðindi

Tveir stórir sótu eftir um Borg keypti Sanda­vágs Timbur­handil

5 tímar síðan
Tíðindi

Loksins kom liðið hjá Tóka og Jóhannes á sigurskósina aftur

7 tímar síðan
Fótbóltur

Oyggjaleikir: Lutakastið til fótbóltskappingarnar er avgreitt

13 tímar síðan