info
Ongi úrslit

Útleigarar kunnu fáa skatta­frá­drátt og sam­stund­is leiga út til Airbnb

Eitt hol í skattalógini ger, at fólk kunnu leiga bústaðir út til føroyingar part av árinum, skifta til Airbnb-útleigu um summarið og framvegis fáa skattafrádrátt upp á 100.000 krónur.

Eirikur Lindenskov
21. november 2026 kl. 11:45

Tað gongur ímóti endamálinum við frádráttinum, sum skuldi gera tað meira lokkandi at leiga út til fastbúgvandi.

Tað ber til hjá útleigarum at sameina langtíðarleigu og stutttíðarleigu í sama ári og kortini varðveita skattafrádráttin, sum er ætlaður at eggja fólki til at leiga bústaðir út til fastbúgvandi.

Hetta kom fram í Breddanum í Kringvarpinum fríggjadagin.

Skipanin við skattafrádrátti upp á 100.000 krónur skuldi gera tað fíggjarliga meira áhugavert at leiga út til fólk, sum hava tørv á einum føstum bústaði, heldur enn at leiga út til ferðafólk.

Men sambært upplýsingum frá TAKS ber til at skifta millum útleiguformarnar í sama ári.

Ein útleigari kann sostatt leiga út til fastbúgvandi í nakrar mánaðir, siga leigusáttmálan upp undan summarinum og síðan leiga út til ferðafólk, tá eftirspurningurin er stórur.

Tá summarið er av, kann bústaðurin aftur verða leigaður út til fastbúgvandi.

Á henda hátt ber til bæði at fáa inntøkur frá stutttíðarleigu og varðveita møguleikan fyri skattafrádráttinum.

Røkkur ikki endamálinum

Poula á Líðarenda, deildarstjóri í TAKS, greiddi frá reglunum í Kringvarpinum.

Upplýsingarnar vísa, at skattaskipanin ikki í øllum førum tryggjar, at bústaðurin verður tøkur hjá fastbúgvandi alt árið.

Hetta er serliga áhugavert, nú stórur tørvur er á leigubústøðum í Føroyum, og stutttíðarleiga til ferðafólk hevur verið nógv umrødd politiskt.

Løgtingið hevur júst felt uppskot um at geva kommununum størri heimildir at avmarka stutttíðarleigu.

Spurningurin er tí, um landsstýrið nú fer at broyta skattareglurnar, so frádrátturin í størri mun verður treytaður av, at bústaðir verða leigaðir út til fastbúgvandi.

Grímur Sundstein, landsstýrismaður, Margit Stórá, landsstýriskvinna, og Bjørg Brynhildardóttir Egholm, løgtingskvinna, vóru eisini við í orðaskiftinum í Breddanum fríggjadagin.

Mest lisið hesa vikuna

Landsstýrið black­list­ar 16 bygdi­r og bý­ir í Føroyum

18. november kl. 10:11

Svøríki: Byrjaði at eta seg sjálvan

18. november kl. 14:27

Eldur í á skipasmiðjuni á Skála

18. november kl. 18:14

Fyrrverandi NSÍ venjari er deyður

14. november kl. 17:37

Nøkur orð um skyldmannin Allan Enghamar

15. november kl. 17:35

Roykur rekur móti bygdini á Skála

18. november kl. 19:26

Fleiri tíðindi

Tíðindi

Eldur í russiskum farmaskipi í Finsku Víkini eftir dronuálop

4 minuttir síðan
Tíðindi

Eivør verður høvuðs­navn á stór­ari tón­leika­stevnu í Íslandi

6 minuttir síðan
Tíðindi

Gravgangur eftir el­bil­um – SEV hev­ur ong­ar løði­støðir eftir

36 minuttir síðan
Tíðindi

Russiskar rakettir komu inn á pólskt øki – NATO fordømir hendingina

1 tími síðan
Tíðindi

Fyrsta gull heiðursmerki í 35 ár

2 tímar síðan
Tíðindi

Her liggja meira enn 2.000 flakar til at ala krækling

2 tímar síðan
Tíðindi

Ein svevur rúsin av sær eftir miðnámsveitslu í Gundadali

3 tímar síðan
Hondbóltur

VIDEO: Vilhelm fekk reyða kortið

4 tímar síðan
Tíðindi

Russiski sendiharrin í Svøríki kallaður inn til samrøðu

4 tímar síðan
Tíðindi

Tveir stórir sótu eftir um Borg keypti Sanda­vágs Timbur­handil

5 tímar síðan
Tíðindi

Loksins kom liðið hjá Tóka og Jóhannes á sigurskósina aftur

7 tímar síðan
Fótbóltur

Oyggjaleikir: Lutakastið til fótbóltskappingarnar er avgreitt

13 tímar síðan