Tá Sámal Petur Petersen kom til Fuglafjarðar í 1880-árunum, hevði hann ætlanir um at byggja sær eina framtíð við handli. Men virksemið skuldi gerast nógv meira enn tað.

Navn hansara varð knýtt at skipum, fiskiskapi og einum virksemi, sum setti sjónlig spor í bygdini. Kortini var leiðin ikki bein. Fyrstu royndirnar at finna hóskandi umstøður til handilin góvu ikki úrslit, og hann mátti leita eftir øðrum møguleikum.

Í Siðsøguni hetta vikuskiftið tekur Óli Jacobsen lesaran við aftur til hesa tíðina. Við støði í eldri frásagnum verður greitt frá, hvussu Sámal Petur fór frá útróðri í Íslandi til handil og reiðaravirksemi í Føroyum.Ein av søgunum snýr seg um fyrsta skipið, sum hann keypti. Tað var sluppin Florence, og við henni fylgdu bæði vónir og váðar. Aðrar frásagnir bera boð um ein mann, sum hevði hug at royna nýggjar leiðir – eisini tá tað galt motorbátar og trolarar.

Men hetta er eisini søgan um húski og gerandislív. Sámal Petur fekk 17 børn í tveimum giftum, og heimið og handilin vóru tætt knýtt at einum virksemi, har nógv fólk høvdu sína dagligu gongd.

Gamlar myndir av handlinum, fiskastykkjunum og skipunum á vágni geva samstundis eina mynd av Fuglafirði, sum nógv er broyttur síðan tá.

Les alla greinina »Skipasøga í Fuglafirði« í Siðsøguni hjá Óla Jacobsen í Sosialinum hetta vikuskiftið. Blaðið fæst í leysasølu kring landið. Haldarar kunnu lesa blaðið á sos.fo við at logga á við haldaranummarinum