info
Ongi úrslit

Havnin fær 88 milli­ón­ir meira enn vænt­að – nú skulu peng­ar­nir býtast

Tórshavnar kommuna væntar at fáa góðar 88 milliónir krónur meira í inntøkum í ár enn upprunaliga mett. Nú ætlar býráðið at brúka nærum 80 milliónir av meirinntøkunum til íløgur og rakstur.

Eirikur Lindenskov
19. november 2026 kl. 08:13

Millum annað skulu pengar brúkast til eldrabústaðir, skúlar, ítróttarhøli og nýggjar kommunalar tænastur.

Tað gongur munandi betur við inntøkunum hjá Tórshavnar kommunu í ár, enn roknað varð við, tá fíggjarætlanin fyri 2026 varð løgd í november í fjør.

Ein dagførd inntøkumeting frá november vísir, at kommunan væntar at fáa góðar 88 milliónir krónur meira í inntøkum enn upprunaliga mett.

Meirinntøkurnar stava serliga frá hægri kommunuskatti, hægri felagsskatti og hægri skatti av eftirlønargjøldum.

Nú er uppskot lagt fyri býráðið um at brúka 79,6 milliónir krónur av meirinntøkunum.

Av hesum skulu 70,75 milliónir krónur brúkast til íløgur, meðan 8,8 milliónir verða settar av til rakstur.

Sjey milliónir til eldrabústaðir

Ein stórur partur av peninginum skal brúkast til bústaðir og kommunalar bygningar.

Millum annað verða sjey milliónir krónur settar av til eldrabústaðir. Kommunan ætlar at keypa eina trøð í vesturbýnum í Havn fyri sjey milliónir krónur til hetta endamálið.

Harumframt verða 3,5 milliónir krónur settar av til Bústaðarfelagið Heimbýli, sum kommunan eigur saman við Bústøðum. Sambært rætting í býráðstilfarinum er játtanin ætlað leigubústøðum í Kollafirði.

Eisini verða tríggjar milliónir krónur settar av til at dagføra gomlu kommunulæknahølini á Frúutrøð.

5,5 milliónir til Knørr

Ítrótturin fær eisini ein stóran part av meirinntøkunum.

Kappróðrarfelagið Knørrur fær eftir uppskotinum 5,5 milliónir krónur í íløgustuðli til nýtt kappróðrarneyst í Álakeri.

Harumframt verða tríggjar milliónir krónur settar av til ítróttarfeløg, sum hava serliga stórar útreiðslur av at eiga og reka egin høli.

Tvær milliónir krónur verða settar av til fjallasúkklubreyt í sambandi við Oyggjaleikirnar í 2027.

Eisini verða 4,5 milliónir krónur settar av til dagføringar av svimjihøllini í Gundadali.

Milliónir til skúlar og dagstovnar

Skúla- og dagstovnaøkið fær eisini part av peninginum.

6,5 milliónir krónur verða fluttar aftur á íløgukontuna hjá Skúlanum á Argjahamri. Peningurin varð fyrr í ár brúktur til at útvega lonir til Skúlan á Fløtum.

Harumframt verða 2,8 milliónir krónur settar av til vøggustovu í Kollafirði.

Á rakstrarsíðuni verður ein millión krónur sett av afturat til systkinaavsláttur á dagstovnaøkinum og ein millión til serstovur.

Nýggir bilar til sløkkiliðið og renovatiónina

Kommunan ætlar eisini at brúka átta milliónir krónur til rakstrargøgn.

Av hesum skulu 4,5 milliónir krónur brúkast til ein nýggjan rottangabil og 3,5 milliónir til ein nýggjan sløkkiliðsbil.

Eisini verða tvær milliónir krónur settar av til kirkjugarðarnar. Peningurin skal millum annað brúkast til at umvæla og drena nýggja kirkjugarðsøkið við Velbastaðvegin av nýggjum.

Harumframt verða tríggjar milliónir krónur settar av til høli til AA og tvær milliónir til Beran.

Býráðið tekur støðu í dag

Tað er ikki allur peningurin, sum verður brúktur til nýggjar verkætlanir.

Ein partur av játtanunum skal flyta pening aftur á kontur, sum fyrr í ár hava goldið fyri onnur arbeiði, og ein annar partur skal fíggja meirnýtslu á rakstrarkontum.

Tilsamans er uppskotið at býta 79.559.000 krónur út av teimum góðu 88 milliónunum í væntaðum meirinntøkum.

Fíggjarnevndin tók 17. november undir við uppskotinum og beindi tað í býráðið til tvær viðgerðir.

Býráðið skal viðgera málið á fundinum í dag klokkan 16.

Kelda: Tórshavnar kommuna, býráðsmál 298/26.

Kelda: Býráðsdagsskráin 19. november, síður 24–27.

Mest lisið hesa vikuna

Nú kanst tú síggja lønina hjá grannanum ella stjóranum

13. november kl. 22:59

Landsstýrið black­list­ar 16 bygdi­r og bý­ir í Føroyum

22 tímar síðan

Eldur í á skipasmiðjuni á Skála

14 tímar síðan

Ókent ræðsluevni: Byrjaði at eta seg sjálvan

18 tímar síðan

Nøkur orð um skyldmannin Allan Enghamar

15. november kl. 17:35

Fyrrverandi NSÍ venjari er deyður

14. november kl. 17:37

Fleiri tíðindi

Tíðindi

Niels Juel Arge við nýggjum staklagi

19 minuttir síðan
Tíðindi

Stórur skaði av eldinum á Skála

55 minuttir síðan
Tíðindi

Russland ætlaði at fremja álop á Pólland úr Kaliningrad

1 tími síðan
Hondbóltur

VIDEO: Soleiðis tapti Füchse Berlin fyri Aalborg

2 tímar síðan
Tíðindi

Tvey vaksin og eitt barn funnin deyð í Danmark

4 tímar síðan
Tíðindi

Krim-brúgvin er aftur álopin

5 tímar síðan
Hondbóltur

Champions League: GOG-Magdeburg beinleiðis á TV3

8 tímar síðan
Tíðindi

Magnus verður venjari

10 tímar síðan
Hondbóltur

SMS: Sigrar til Neistan, VÍF og Stjørnuna

11 tímar síðan
Fótbóltur

KÍ hevur sett styrkisvenjara og fysioterapeut

11 tímar síðan
Tíðindi

Nýggjur felags­bygn­ing­ur hjá Setri­num skal standa lið­ug­ur í 2031

11 tímar síðan
Tíðindi

FM í skúlatalvi – dagur 2

11 tímar síðan